الرئيسية / سمنة ونحافة / افضل رجيم في رمضان
الرجيم في رمضان

افضل رجيم في رمضان

افضل رجيم في رمضان

طبعا رمضان شهر الصيام ومحدش بيقول انكوا متفطروش و متتسحروش كويس بس ليه منستغلش حاجتين مهمين جدا في رمضان

1- اول حاجة وفي راي هي اهم حاجة ان رمضان مواعيد الاكل فيه ثابتة يعني مينفعش تغيريها

2- تاني حاجة ان جسمنا  بيكون في الفترة من الفطار للسحور محتاج سوائل كتييير جدا وبكده نقدر نشرب ماء كتير

طيب حلو اوي بس هتيجي واحدة تقولي انا مبقدرش اقاوم الحلويات بعد الفطار ببقا هموت .. هقولها وماله هنقول رجيم حلو اوي وتقدري كمان تاكلي كنافة وقطايف وكل حاجة انا مش هحرمكوا من حاجة

طيب ايه الرجيم اللي في رمضان ده … تعالوا اقولكوا هعرض عليكوا 6  أختيارات للسحور و7 للفطار بس اللي هياخد سحور رقم واحد يبققي ياخد فطار رقم واحد برده

افضل رجيم في رمضان

الســــــحـــــــــــــــــــور  

1- كوب بليلة بلبن + بيضة مسلوقة +سلطة +طبق بطيخ

2- كوب شوفان بالبن + 4 معالق فول بدون زيت + سلطة + كنتالوب

3- 2 كوب زبادي + 4 معالق فول + خيار +رغيف سن

4- 2 بيضة مسلوقة + ربع رغيف + سلطة + بطيخ

5- كوب بليلة بلبن + 4 معاق فول + سلطة

6- 2 كوب زبادي + 1 توست + قطعة جبن قريش + سلطة

 

الإفطــــــــــــــــــــــار

1- شوربة بدون دسم + 4 معالق ارز + طبق خضار في الفرن بدون دهون + ربع فرخة بدون جلد + سلطة

بعد ساعتين طبق فواكه

2- 100جم لحمة + طبق بامية +نص رغيف بلدي+باباغنوج  بدون طحينة

بعد ساعتين قطعة كنافة وعصير فواكه بدون سكر .

3- نص كيلو سمك بلطي + سلطة +4 معالق ارز .

بعد ساعتين كوب قمر الدين .

4- 4 صوابع كفتة مشوية +ربع رغيف+سلطة .

بعد  ساعتين 2 قطايف + كوب عصير .

5- طبق محشي صغير + سلطة + ربع فرخة بدون جلد .

بعد ساعتين طبق جيلي صغير .

6- 4 سامبوسك في الفرن + سلطة .

بعد ساعتين طبق خشاف

ايه رايكوا بقا اهو كنافة وقطايف واللي نفسكوا فيه كله وفي نفس الوقت رجيم كويس جدا للصيام لو مشيتي عليه هيخسسك من 5 – 3 كيلو في الاسبوع الواحد وبرده هنزلكوا رجيم رقم 2 في رمضان قريب جدا ياريت تشجعوا بعض واللي هتبدا تقول عشان حد يبدا معاها انا عن نفسي هبدا ونشوف النتايج مع بعض حد معايا

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *