الرئيسية / المطبخ / مشروبات / طريقة عمل الخروب في المنزل
عمل الخروب

طريقة عمل الخروب في المنزل

طريقة عمل الخروب في المنزل

السلام عليكم ورحمة الله وبركاته وكل عام وانتم بخير بمناسبة شهر رمضان الكريم طبعا كلنا في رمضان عندنا طقوس في الاكل والشرب وخصوصا العصائر بنحتاج منها كتير لاننا بنصوم فترة كبية جدا وده بيخلينا ممكن فطارنا يكون عبارة عن عصائر وماء .. وطبعا  مفيش حد مبيحبش يشرب خروب – تمر هندي – سوبيا -عناب ( كركديه ) – دوم ……والكثير ممن انواع العصائر الرمضانية اللذيذة والمنعشة بس العصائر الموجودة في السوق عبارة عن صبغة لون وماء وسكر وده بيخليها خطرة جدا علي الصحة وخصوصا للاطفال

طب ليه منعملش الحاجات دي في البيت ؟؟؟؟؟؟؟؟؟؟

تعالوا بقا احنا هناخد كورس نتعلم فيه ازاي نعمل العصائر الرمضانية في المنزل والحلقة الاولى النهاردة هتبقي مع الخروب

طريقة عمل الخروب في المنزل

ما هي طريقة عمل الخروب

المقادير

1- ربع كيلو خروب

2- 1/2 كيلو سكر

3- 2لتر ماء

4- ماء ورد

الطريقة

هتجيبي الخروب من عند العطار متكسر او قرون سوداء وانتي قومي بتكسيرها

في اناء كبير ضعي الخروب والسكر علي النار واستخدمي معلقة خشبية علشان الحرارة بتكون عالية جدا وقلبي فيه لحد ما السكر يسيح ويبدء لونه يتحول لدهبي خلي بالك اوعي تحرقيه

طبعاا دلوقتي الريحة حلوة جدا الناس كلها هتعرف انك بتعملي خروب :D:D:D

ضيفي الماء ومتخفيش هتلاقيه جمد معاكي ده عشان السكر اللي ساح هيرجع يجمد تاني متقلقيش سبيه علي نار هادئة بقا هيسيح تاني وهتحسي ان الخروب اتسلق خالص

ارفعيه من علي النار واتركيه يبرد وبعدين اضربيه في الخلاط

هاتي شاشة او مصفاه ضيقة جدا وصفي الخليط وحضري الزجاجات عشان خلاص هتعبيه

قومي بتعبئة الخروب  داخل الزجاجات وضيفي في كل زجاجة مقدار بسيط من ماء الورد

وخلاص دخليه الثلاجة لحد معاد الفطار واشربي بقا وادعيلي دعوة حلوة ساعة الفطار

اعتقد مفيش اسهل من كده لعمايل الخروب وهيوفرلك كتير وكمان صحي جدا

اشوفكوا بقا في وصفة رمضانية جديدة

 

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *